අඩ සිය වසකට ආසන්න කාලයක් වේදිකාව සිනමාව සහ රූපවාහිනී නාට්‍ය කලාව වෙනුවෙන් සිය සුවිශේෂ කලා කුශලතා සහ කාලය ශ්‍රමය කැප කළ ආනන්ද වික්‍රමගේ කලාකරුවා කලාව වෙනුවෙන් කරන ලද අනගි මෙහෙවර උදෙසා කොළඹ 07 සිංහල සංස්කෘතික ආයතනය හෙවත් සුදර්ශී ආයතනය මෙම මස 11වනදා “ආනන්දයි ආනන්ද” නමින් ආනන්ද වික්‍රමගේ ඇගයුම් උළෙලක් සංවිධානය කර තිබේ. එහිදී ඔහු රගපෑ චිත්‍රපට තුනක් නොමිලේ ප්‍රදර්ශණය කිරීමට සැළසුම් කර තිබේ.
ඒ අනුව මිල්ටන් ජයවර්ධනගේ ‘සමාවෙන්න’ – 11 දින පෙව 10.30ට මිල්ටන් ජයවර්ධනගේ ‘ආයාචනා’ – 11දින පව 2.30ට සහ විජය ධර්මශ්‍රී ගේ ‘චූඩාමාණික්‍ය’ – 11දින පව 7.00 ට සුදර්ශී සිනමාශාලාවේ දී ප්‍රදර්ශනය කෙරෙන අතර එදින සවස 5.00ට ඔහු වෙනුවෙන් වූ “ආනන්දයි ආනන්ද”අගැයුම් උළෙල පැවැත්වේ.