මෙම යල කන්නය සඳහා ඉන්දියාවෙන් ලැබීමට නියමිත යූරියා පොහොර සම්බන්ධ අවිනිශ්චිත තත්වයක් උදා වී ඇති බව ගොවි ජන සේවා දෙපාර්තමේන්තු ආරංචි මාර්ග සඳහන් කරයි.යුක්රේන අර්බුදය හේතුවෙන් ලොවපුරා පොහොර හිගයක් පැවතීම ද මීට හේතු වී ඇතැයි පැවසෙයි.නමුත් කෘෂිකර්ම ඇමති මහින්ද අමරවීර මහතා පවසනුයේ ඉන්දියාවෙන් පොහොර ගෙන්වා ගැනීමට අගමැතිවරයාගේ මැදිහත්විම අත්‍යවශ්‍ය බවකි. මේ අතර කෘෂිකර්ම අධ්‍යක්ෂ ජනරාල් ආචාර්ය අජන්ත ද සිල්වා මහතා ප්‍රකාශ කරනුයේ මේ වන විට මෙවර යල කන්නයේ අස්වැද්දීමට අපේක්ෂිත කුඹුරු හෙක්ටයාර් ලක්ෂ පහෙන් දෙලක්ෂ හැට එක් දහසක් අස්වද්දා අවසන් බවය.තවත් හෙක්ටයාර් ලක්ෂයක පමණ බිම් සකසා අවසන් බව ද ඔහු කියයි.