නව සේවා ව්‍යවස්ථාව හේතුවෙන් විදුහල්පතිවරුන් දැඩි අසීරුතාවට පත්ව ඇති බව විදුහල්පති සේවා සංගමය පවසයි.
මේ සතියේ රැස්වන අමාත්‍ය මණ්ඩලයෙන් මෙම ගැටලුවට විසඳුමක් ලබා නොදුනහොත් වෘත්තීය ක්‍රියාමාර්ග සඳහා යොමු වීමට සිදුවන බව යඑම සංගමයේ ජාතික සංවිධායක සිසිර රාජපක්ෂ සඳහන් කරයි.
“තමන්ගේ උසස් වීම නැති, තමන්ගේ වැටුප අහිමි අය මේ අර්බුදයෙන් ගොඩ එන්න මේ පාලකයින්ට විශේෂයෙන්ම අධ්‍යාපන අමාත්‍යවරයා ඇතුළු බලධාරීන්ට දැනුම් දීලා තියෙනවා. පොරොන්දු වෙලා තියෙනවා කැබිනට් පත්‍රිකාවක් හරහා මෙයට පිළියම් යොදන්න. අපට පහුගිය දා පැවැති සාකච්ඡාවේ දී අමාත්‍යවරයා පොරොන්දු වුණා ඉදිරි සතියේ එළැඹෙන බදාදා වෙන විට කැබිනට් පත්‍රිකාව ඉදිරිපත් කරන බව. අපි විශ්වාස කරනවා මෙම පොරොන්දුව ඉටුකරන්න කටයුතු කරයි. එහෙම නොවුණොත් අපි සුදානම් සියලු විදුහල්පතිවරු ඒකරාශි කරමින් බරපතළ ක්‍රියාමාර්ගවලට යන්න.”