දෙවන එලිසබෙත් රැජින ගේ රාජකීය අවමංගල්‍යෝත්සවය ලබන 19 සඳුදා පැවැත්වෙන අතර බකිංහැම් මාලිගයේ සහ අනෙකුත් රාජකීය නිවාසවලට විශාල ජනකායක් පැමිණෙතැයි අපේක්ෂා කෙරේ. ඒ හේතුවෙන් සමහර පොදු ප්‍රවාහන සේවා ප්‍රමාද වීමට හේතු විය හැකි බව කැබිනට් කාර්යාලය පවසයි, “සමහර පොදු ප්‍රවාහන සේවාවල සැලකිය යුතු තදබදයක් සහ ප්‍රමාදයක් අපි බලාපොරොත්තු වෙනවා. මහජනතාව විසින් කලින් පරීක්ෂා කර බලා ඒ අනුව සැලසුම් කළ යුතුයි” කැබිනට් කාර්යාලය නිවේදනයක් නිකුත් කරමින් සඳහන් කරයි.සමහර ප්‍රදේශවල, විශේෂයෙන් මධ්‍යම ලන්ඩනයේ, ප්‍රවේශය සීමා කෙරෙනු ඇති අතර, මාර්ග වසා දැමීම් සහ හැරවීම් මගින් වාහන සහ පදිකයින්ට ප්‍රමාදයන් ඇති කරනු ඇති අතර, රාජ්‍ය අවමංගල්‍ය කටයුතු සහ ඒ ආශ්‍රිත සිදුවීම් සඳහා සැලසුම් කිරීම සිදුවෙමින් පවතින බව ඔව්හු පවසති.ලන්ඩන්, වින්ඩ්සර්, එඩින්බරෝ, බල්මෝරල් සහ සැන්ඩ්‍රින්හැම්හි රාජකීය නිවාස අසල නම් කරන ලද ප්‍රදේශවල පමණක් පුෂ්පෝපහාර තබන ලෙස ද කැබිනට් කාර්යාලය ඉල්ලා සිටියි.