කාන්තා රිටි පැනීමේ ඉසව්වේ ශ්‍රී ලංකාවේ ජාතික වාර්තාවට හිමිකම් කියන සචිනි කෞෂල්‍යා පෙරේරා මේ වනවිට මැදපෙරදිග ගෘහ සේවයේ යෙදී සිටින බව වාර්තා වේ.එම ජාතික වාර්තාව අවස්ථා 09 කදී අලුත්කර ඇති සචිනි කෞෂල්‍යා පෙරේරා ශ්‍රී ලාංකේය ක්‍රීඩා ක්ෂේත්‍රයට ආභරණයක් බඳු ක්‍රීඩිකාවකි.පාදුක්ක ප්‍රදේශයේ පදිංචි ඇය කුඩා කළ සිටම ක්‍රීඩාව සඳහා සිය ජීවිතයම කැපකරමින් 2018 සිට 2022 දක්වා අඛණ්ඩව රිටි පැනීමේ ජාතික ශූරිය බවට පත්වූවාය. නමුත් මේ සුවිශේෂී දක්ෂතා පෙන්වූ ඇයට දිගින් දිගටම එල්ල වූ ආර්ථික පීඩනය හමුවේ මෙලෙස වසරකට ආසන්න කාලයක් තිස්සේ ඩුබායි රාජ්‍යයේ නිවසක ගෘහ සේවිකාවක් බවට පත්වීමට සිදුව ඇත.සචිනි කෞෂල්‍යා දරුවන් දෙදෙනෙකුගෙන් යුත් පවුලක බාල දියණියක් වන අතර අංශභාග රෝගයට ගොදුරුව සිටී. ඇගේ මව මේ වනවිට එක්තැන්ව සිටින බවත් තමාට මුහුණදීමට සිදුවූ මේ දේ තවත් ක්‍රීඩකයෙකුට හෝ ක්‍රීඩිකාවකට සිදුනොවීමට ක්‍රීඩා බලධාරින්ගේ වගබලාගත යුතු බවත් ඇය පවසයි.