මෙම වසරේ පළමු මාස දෙක තුළ විදේශ සංචාරකයින් 426,603 ක් ශ්‍රී ලංකාවට පැමිණ ඇති අතර විදේශ සංචාරක පැමිණීම වැඩිවීමත් සමඟ ආදායම ඩොලර් මිලියන 687.5 ක් දක්වා ඉහළ ගොස් තිබේ.පෙබරවාරි මාසයේ පමණක් සංචාරක ඉපැයීම් ඩොලර් මිලියන 345.7 ක් වූ අතර එය පසුගිය වසරේ අනුරූප කාලයට වඩා 118.2% ක වර්ධනයක් පෙන්නුම් කරන බව නවතම මහ බැංකු දත්ත පෙන්වා දෙයි. මාසිකව සැසඳීමේදී පවා, පෙබරවාරි ඉපැයීම් 2024 ජනවාරියට වඩා 1.14% වැඩිය. එය 2020 සිට සටහන් වූ ඉහළම ඉපැයීම් වේ.2024 වසර සඳහා ශ්‍රී ලංකා සංචාරක ව්‍යාපාරය මිලියන 2.3ක සංචාරක පැමිණීම් සහ ඩොලර් බිලියන 4කට අධික ආදායමක් ලබාගැනීමට සූදානමින් සිටී.