අපරාධ විමර්ශනය සඳහා පොලිස් නිල සුනඛයන් ගෙන් ලැබෙන මෙහෙවර සුළුපටු නැත.එහෙත්, පොලිස් නිලධාරීන්ට සොයාගත නොහැකි වූ ඝාතනයට ලක් වූ පුද්ගල මළ සිරුරක් සහ තවත් සාක්ෂි සමුදායක් ස්වේඡාවෙන් සොයා දීමට සමත් සාමාන්‍ය සුනඛයකු පිළිබඳ පුවතක් කොස්ලන්ද ප්‍රදේශයෙන් වාර්තා වෙයි. එම සිදුවීම මෙලෙසිනි. තණමල්විල, අරඹෙකෙම පදිංචි පුද්ගලයකු කොස්ලන්ද ප්‍රදේශයේ කැලෑවකට රැගෙන ගොස් ගෙල කපා ඝාතනය කර වළ දමා තිබියදී තණමල්විල මූලස්ථාන පොලීසිය විසින් පසුගිය 22 දහවල් එම මළ සිරුර සොයාගෙන තිබේ.මෙලෙස ඝාතනයට ලක්ව ඇත්තේ ඊට දින කිහිපයක සිට අතුරුදන්ව සිටි තණමල්විල අරඹෙකෙම පදිංචි රොෂාන් දිනුක නමැති 35 හැවිරිදි අවිවාහකයෙකි.ඒ අතර ඔහු ගේ මව වන හම්බෙගමුව අරඹෙකෙම පදිංචි රණසිංහ ආරච්චිගේ කාන්ති ඉන්ද්‍රානි නමැති අය විසින් තම පුතු දින කිහිපයක් තිස්සේ ආගිය අතක් නැති බවට පසුගිය 18 දින තණමල්විල පොලීසියට පැමිණිල්ලක් කර ඇත.
අතුරුදන් වූ පුද්ගලයා ඇගේ දෙවන අනියම් පුරුෂයා සමඟ යතුරුපැදියකින් කොස්ලන්ද දෙසට යනු දුටු බවටත් ඇතැමුන් ගෙන් පොලීසියට තොරතුරු ලැබෙන්නට විය.ඒ අනුව බොහෝ විට අපරාධයක් සම්බන්ධ වැදගත් හෝඩුවාක් බව වටහා ගත් පොලීසිය ඇගේ දෙවන සැමියාගෙන් කළ ප්‍රශ්න කිරීමේ දී එසේ ඝාතනයට ලක් වූ පුද්ගලයා තම අනියම් බිරිඳට කරදර කිරීම මත තමන් ඔහු ඝාතනය කළ බවක් පවසා තිබේ.පසුව අනාවරණය වූ පරිදි තම පළමු අනියම් පුරුෂයා ඝාතනය කරවීමට දෙවන අනියම් පුරුෂයාට අවස්ථාව සළසා ඇත්තේ එම කාන්තාව විසිනි.
එහිදී සිය පුත්‍රයා හම්බෙගමුව සූරියගොඩ ප්‍රදේශයේ පදිංචි කාන්තාවක සමඟ අනියම් සබම්බන්ධතාවක් පවත්වාගෙන ගිය බවත් පුතු ගේ අතුරුදන් වීම හා එම සම්බන්ධතාව අතර කිසියම් ගැලපීමක් ඇතැයි සිතෙන බවත් ඇය සිය පැමිණිල්ලේ සඳහන් කර තිබේ. තණමල්විල මූලස්ථාන ප්‍රධාන පොලිස් පරීක්ෂක එම්.පී. බණ්ඩාර මහතා ඇතුළු නිලධාරීන් කණ්ඩායමක් 44 හැවිරිදි එම කාන්තාව මුල් කොට විමර්ශන ආරම්භ කොට ඇත්තේ ඒ හෝඩුවාව අනුව ය.මුලින්ම පොලීසිය අදාළ කාන්තාවගේ නිවෙසට ගොස් මේ පිළිබඳ ප්‍රශ්න කර ඇති අතර,එහිදී ඇය පවසා ඇත්තේ ඝාතනයට ලක් වූ පුද්ගලයා තමන් දන්න හඳුනන අයකු බවත් ඔහු සිය කැබ් රථය තම නිවෙසේ නවතා ගිය මුත් තමන් යන ස්ථානයක් පිළිබඳ කිසිවක් තමන් සමඟ නොකී බවත් ය.ඒ අනුව තණමල්විල පොලීසිය වැඩි දුරටත් කළ විමර්ශනවලදී අනාවරණය වූයේ මේ කාන්තාව බලහරුව ප්‍රදේශයේ තවත් අනියම් සැමියකු ඇසුරු කරන බවකි.ඔහු 46 වන වියේ පසුවන්නෙකි.
ඒ අතර අතුරුදන් වූ පුද්ගලයා ඇගේ දෙවන අනියම් පුරුෂයා සමඟ යතුරුපැදියකින් කොස්ලන්ද දෙසට යනු දුටු බවටත් ඇතැමුන් ගෙන් පොලීසියට තොරතුරු ලැබෙන්නට විය.ඒ අනුව බොහෝ විට අපරාධයක් සම්බන්ධ වැදගත් හෝඩුවාක් බව වටහා ගත් පොලීසිය ඇගේ දෙවන සැමියාගෙන් කළ ප්‍රශ්න කිරීමේ දී එසේ ඝාතනයට ලක් වූ පුද්ගලයා තම අනියම් බිරිඳට කරදර කිරීම මත තමන් ඔහු ඝාතනය කළ බවක් පවසා තිබේ.පසුව අනාවරණය වූ පරිදි තම පළමු අනියම් පුරුෂයා ඝාතනය කරවීමට දෙවන අනියම් පුරුෂයාට අවස්ථාව සළසා ඇත්තේ එම කාන්තාව විසිනි.ඒ අනුව ඇගේ මඟ පෙන්වීම මත ඇගේ පළමු අනියම් පුරුෂයා සමඟ ව්‍යාජ මිතුරු දමක් ඇති කර ගත් දෙවන අනියම් පුරුෂයා කොස්ලන්ද ප්‍රදේශයේ වනයේ ගංජා වගාවක් ඇරඹීමට යෝජනා කොට තිබේ.ඒ එමඟින් විශාල ආදායම් ලද හැකි බවක් පවසමිනි.ඔවුන් දෙදෙනා දෙවන අනියම් පුරුෂයා ගේ මෝටර් සයිකලයෙන් කොස්ලන්ද බලා පිටත් වන්නේ ඒ අනුව ය.පසුව කොස්ලන්ද වනය තුළ දී එම කාන්තාවගේ දෙවන අනියම් පුරුෂයා තම අතේ තිබූ කැත්තෙන් පළමු අනියම් පුරුෂයා ගේ ගෙලට පහර දී ඔහු ඝාතනය කොට මළ සිරුර හඳුනා ගත නොහැකි වන සේ එහි කඳ සහ හිස ස්ථාන දෙකක වළ දමා තිබේ.
සැකකාර අනියම් බිරිය හා බලහරුවේ පදිංචි සැකකරු සමඟ යතුරුපැදිය හා කැබ් රථය පොලිස් අත්අඩංගුවට ගෙන ඇත. මිනිසා සහ සුනඛයා අතර මානව ශිෂ්ඨාචාරයටත් පෙර සිට මේ දක්වා පවතින අඛණ්ඩ සබැඳියාව මුල් කොට මිනිසුන් සුනඛයන්ට පිහිට වන පාරාසයට වඩා පුළුල් පාරාසයකින් සුනඛයන් මිනිසුන්ට පිහිට වන බව මේ වන විට අනාවරණය වී තිබේ.ඉහත සඳහන් සිදුවීම ඒ සඳහා වන එක් නිදසුනක් පමණි.
පසුව සැකකරුගේ මඟපෙන්වීම මත ඝාතනයට ලක් වූ පුද්ගලයාගේ සිරුර සොයාගැනීමට පොලීසිය කොස්ලන්ද ප්‍රදේශයට ගොස් ඇත.ඔහු ද කැටුව පොලිස් නිලධාරීන් කොස්ලන්ද ප්‍රදේශයේ වනය තුළට කිලෝ මීටර් අටක පමණ දුරක් ගොස් තිබේ. මෙලෙස සැකකරු ද සමඟ පොලීසිය පා ගමනින් වනය තුළට ගමන් කිරීමේදී පසෙක සිටි සුනඛයකු ද පසුපසින් පැමිණ ඇත්තේ කිසිවකු ගේ අවධානයෙන් තොරව ය.නමුත් එහි දී පොලීසියට මෙන්ම සැකකරුට ද අදාළ ඉසව්ව සොයාගැනීමට අපහසු වී තිබේ.නමුත් ඝාතනයට ලක් වූ පුද්ගලයාගේ සිරුර හා හිස වළ දමා තිබූ ස්ථානය මෙන්ම කැලයේ සඟවා තිබූ කැත්ත හා උදැල්ල ද සොයා ගැනීමට පොලිස් නිලධාරීන් හා පසුපසින් පැමිණි සුනඛයා උපකාර කොට ඇත්තේ සියල්ලන් විස්මයට පත් කරමිනි. ඒ අනුව සැකකාර අනියම් බිරිය හා බලහරුවේ පදිංචි සැකකරු සමඟ යතුරුපැදිය හා කැබ් රථය පොලිස් අත්අඩංගුවට ගෙන ඇත. මිනිසා සහ සුනඛයා අතර මානව ශිෂ්ඨාචාරයටත් පෙර සිට මේ දක්වා පවතින අඛණ්ඩ සබැඳියාව මුල් කොට මිනිසුන් සුනඛයන්ට පිහිට වන පාරාසයට වඩා පුළුල් පාරාසයකින් සුනඛයන් මිනිසුන්ට පිහිට වන බව මේ වන විට අනාවරණය වී තිබේ.ඉහත සඳහන් සිදුවීම ඒ සඳහා වන එක් නිදසුනක් පමණි.
රේණුකා දමයන්ති