ඉන්දීය විදේශ ඇමැති ආචාර්ය සුබ්‍රමනියම් ජයිශංකර් මහතා නිල සංචාරයක් සඳහා අද (20) ශ්‍රී ලංකාවට පැමිණීමට නියමිතව තිබේ.ශ්‍රී ලංකා – ඉන්දියා ද්විපාර්ශ්වික සහයෝගිතාව තවදුරටත් ශක්තිමත් කිරීමේ අරමුණින් සිදු කෙරෙන ඉන්දීය අගමැති නරේන්ද්‍ර මෝදි මහතාගේ ශ්‍රී ලංකා සංචාරයට පෙර, දෙරට අතර ක්‍රියාත්මක ව්‍යාපෘති සමාලෝචනය කිරීම සඳහා ඉන්දීය විදේශ ඇමැතිවරයා ශ්‍රී ලංකාවට පැමිණෙන බව විදේශ කටයුතු අමාත්‍යාංශය නිවේදනය කරයි.ජනාධිපති රනිල් වික්‍රමසිංහ මහතාගේ පසුගිය ඉන්දීය සංචාරය අතරතුර ඉන්දීය විදේශ ඇමැතිවරයාගේ ශ්‍රී ලංකා සංචාරය තහවුරු කර තිබෙන අතර මේ අතර ඉන්දීය අගමැති නරේන්ද්‍ර මෝදි මහතා එළැඹෙන අගෝස්තු මාසයේදී මෙරට සංචාරයකට එක්වීමට නියමිත අතර ඊට පෙර ඉන්දීය විදේශ ඇමැතිවරයා මෙරටට පැමිණෙන බව ද එම අමාත්‍යාංශය පෙන්වා දෙයි.