මාසික ඉන්ධන මිල සූත්‍රයට අනුව ඉන්ධන වර්ග කිහිපයක මිල ඊයේ(31) මධ්‍යම රාත්‍රියේ සිට පහළ දමා ඇතැයි සිපෙට්කෝ සමාගම නිවේදනය කරයි.ඒ අනුව ඔක්ටේන් 92 පෙට්‍රල් ලීටරයක මිල රුපියල් 13කින්ද , ලංකා සුදු ඩීසල් ලීටරයක් රුපියල් 16කින්ද භූමිතෙල් ලීටරයක් රුපියල් 13කින්ද පහළ දමා තිබේ. ඔක්ටෙන් 92 නව ලීටරයක මිල රුපියල් 355කි.ලංකා සිදු ඩීසල් ලීටරයක නව මිල රුපියල් 317කි.භූමිතෙල් නව ලීටරයක මිල රුපියල් 202කි. එහෙත් ඔකටේන් 95 පෙට්‍රල් සහ සුපර් ඩිසල් මිල සංශෝධනය කර නොමැත.ලංකා අයි.ඕ.සී සමාගම ද සිපෙට්කෝ මිලට සමාන අයුරින් ඉන්ධන මිල පහත දමා තිබේ..