පොලිස් පතිගෙන් ඉල්ලයි රටේ අග්‍රාමාත්‍යවරයකු හෝ ඇමැති මණ්ඩලයක් නොමැති තත්ත්වයක කමල් ගුණරත්න නම් පුද්ගලයා ආරක්ෂක ලේකම් ලෙස පෙනී සිටිමින් ආරක්ෂක හමුදාවලට වෙඩි තැබීමේ නියෝග ඇතුළු නියෝග නිකුත් කිරීමත්, ජනමාධ්‍යයට ප්‍රකාශ නිකුත් කිරීමත් බරපතල තත්ත්වයක් බවත් රජයේ දේපොළ භාවිත කරමින් මනුෂ්‍ය ඝාතනයට ආධාර අනුබල දෙන මෙම පුද්ගලයා වහාම අත්අඩංගුවට ගෙන අධිකරණයට ඉදිරිපත් කරන ලෙසත් තරුණ ජනමාධ්‍යවේදීන්ගේ සංගමය පොලිස්පති වරයාගෙන් ඉල්ලා සිටියි. එම ලිපිය මෙලෙසිනි. චන්දන වික්‍රමරත්න මහතා,
පොලිස්පති,
පොලිස් මූලස්ථානය,
කොළඹ.
පොලිස්පතිතුමනි,
කමල් ගුණරත්න නම් පුද්ගලයා ආරක්ෂක ලේකම් ලෙස පෙනී සිටිමින් හමුදාවට වෙඩි තැබීමේ නියෝග නිකුත් කිරීම සහ මාධ්‍යයට ප්‍රකාශ ලබාදීම සම්බන්ධවයි
01) ශ්‍රී ලංකාවේ අග්‍රාමාත්‍යවරයා ජනාධිපතිවරයාගේ ද අනුදැනුමෙන් රට තුළ ප්‍රචණ්ඩකාරී තත්ත්වයක් ඇතිකර ඉන් පසු පසුගිය 09 වැනිදා ඉල්ලා අස්වූ බව නිවේදනය කළ අතර ඊට අදාල ගැසට් නිවේදනය එදින රාත්‍රී ප්‍රසිද්ධියට පත් කළේය.
02) ආණ්ඩුක්‍රම ව්‍යවස්ථාවේ 49.1 අනුව අග්‍රාමාත්‍යවරයාගේ ධුරය දැරීම නතර වූ විට අමාත්‍යමණ්ඩලය විසිරෙන්නේය.
03) ආණ්ඩුක්‍රම ව්‍යවස්ථාවේ 52.3 අනුව අමාත්‍ය මණ්ඩලය විසිර ගිය පසු අමාත්‍යංශ ලේකම්වරුන් ධුරය දැරීම නතර විය යුතු ය.
04) එසේ තිබියදී සහ රටේ අග්‍රාමාත්‍යවරයකු හෝ ඇමැති මණ්ඩලයක් නොමැති තත්ත්වයක කමල් ගුණරත්න නම් පුද්ගලයා ආරක්ෂක ලේකම් ලෙස පෙනී සිටිමින් ආරක්ෂක හමුදාවලට වෙඩි තැබීමේ නියෝග ඇතුළු නියෝග නිකුත් කිරීමත්, ජනමාධ්‍යට ප්‍රකාශ නිකුත් කිරීමත් බරපතල තත්ත්වයකි.
05) රජයේ දේපොළ භාවිත කරමින් මනුෂ්‍ය ඝාතනයට ආධාර අනුබල දෙන මෙම පුද්ගලයා වහාම අත්අඩංගුවට ගෙන අධිකරණයට ඉදිරිපත් කරන ලෙස අපි ඉල්ලා සිටිමු.
තරුණ ජනමාධ්‍යවේදීන්ගේ සංගමය
වෙබ්.ය්ජස්ල්@ග්මඉල්.cඔම්
පිටපත්
සභාපති, ශ්‍රී ලංකා මානව හිමිකම් කොමිෂන් සභාව