වෙළෙඳ පොළේ සහල් මිල පාලනය කිරීම සඳහා සහල් කිලෝවකට සත 25 ක් බැගින් බද්දක් ගෙවා ඕනෑම අයකුට පිටරටින් සහල් ආනයනය කිරීමට අවසර දී ඇතැයි වෙළෙඳ අමාත්‍ය බන්දුල ගුණවර්ධන මහතා පවසයි. ඒ අනුව වෙළෙඳපොළේ ආනයනික සහල් කිලෝවක උපරිම සිල්ලර මිල රුපියල් එකසිය පහට වඩා වැඩි වීමට ඉඩ නොදෙන බව කී ගුණවර්ධන මහතා සතොස සහ රාජ්‍ය විවිධ නීතිගත සංස්ථාව හරහා ද සහල් මෙට්‍රික් ටොන් ලක්ෂ පහක් ආනයනය කිරීමට කටයුතු කරගෙන යන බව ද කීය.එමෙන්ම මේ වන විට ආනයනය කරන ලද සහල් අඩංගු කන්ටේනර් පන්සීයක් වරායේ තිබෙන බව ද ඇමති වරයා කීය..