පළාත් පාලන මැතිවරණ පනත හා මැතිවරණ වියදම් නියාමන පනත පිළිබඳ පොලිස් නිලධාරීන් දැනුවත් කිරිමේ වැඩපිළිවෙළක් ආරම්භ කර තිබේ.
මැතිවරණ කොමසාරිස් ජෙනරාල් සමන් ශ්‍රී රත්නායක මහතා සඳහන් කළේ, දිස්ත්‍රික් මට්ටිමින් එම දැනුවත් කිරීම් සිදු කරන බවයි.
මේ යටතේ මැතිවරණ ආරවුල් නිරාකරණය සම්බන්ධයෙන් ද පොලිස් නිලධාරීන් දැනුවත් කෙරෙනු ඇති.
ඒ සඳහා පොලිස් දෙපාර්තමේන්තුවේ ජ්‍යේෂ්ඨ නිලධාරීන් ද සහභාගි වන බව ඔහු ප්‍රකාශ කළේ ය.
සමන් ශ්‍රී රත්නායක මහතා පැවසුවේ බදුල්ල, නුවරඑළිය, මහනුවර ඇතුළු දිස්ත්‍රික්ක කිහිපයක පොලිස් ස්ථානාධිපතිවරුන් ඒ සම්බන්ධයෙන් දැනුවත් කර ඇති අතර අද(04) දිනයේ රත්නපුර දිස්ත්‍රික්කයේ පොලිස් නිලධාරීන් දැනුවත් කරන බවයි.