ඉදිරි පළාත් පාලන මැතිවරණය පැවැත්වීම සම්බන්ධයෙන් තීරණයක් ගැනීමට තමන්ට නොහැකි මුත් මැතිවරණයක් පැවැත්වීමට ප්‍රමාණවත් මුදලක් භාණ්ඩාගාරයේ නොමැති බව පමණක් තමන්ට කිව හැකියැයි ජනාධිපති රනිල් වික්‍රමසිංහ මහතා ආණ්ඩු පක්ෂ මන්ත්‍රි කණ්ඩායමට දැනුම් දී ඇත.ජනාධිපතිවරයාගේ ප්‍රධානත්වයෙන් පැවැති ආණ්ඩු පක්ෂ මන්ත්‍රි කණ්ඩායම් රැස්වීමේදී පාර්ලිමේන්තු මන්ත්‍රිවරුන් කළ විමසීමකදී ජනාධිපතිවරයා මේ බව ප්‍රකාශ කර තිබේ.‘ඡන්දය තියන්න පුළුවන්ද කියලා මට තීරණයක් ගන්න බැහැ. දැන් ඒක තීරණය කරන්න ඕන ශ්‍රේෂ්ඨාධිකරණයයි. හැබැයි ඡන්ද කරන්න නම් භාණ්ඩාගාරයේ සල්ලි නැහැ.’’ ජනාධිපතිවරයා සෘජුවම ප්‍රකාශ කර තිබේ.මැතිවරණ කටයුතුවලට අදාළ රාජකාරි ආරම්භ කිරීම සඳහා මැතිවරණ කොමිෂන් සභාව රුපියල් මිලියන 770 ක මුදලක් ඉල්ලා සිටියත් මුදල් අමාත්‍යාංශය එම මුදල ද මෙතෙක් ලබා දී නොමැත.ඒ අනුව ඉදිරි පලාත් පාලන මැතිවරණය පැවැත්වීමට වඩා නොපැවැත්වීමට ඇති ඉඩ කඩ ඉහළ යමින් පවතින බව පැවසෙයි.