මෙවර ජනාධිපතිවරණය සඳහා ජනාධිපති රනිල් වික්‍රමසිංහ මහතා ස්වාධීන අපේක්ෂකයෙකු ලෙස ඉදිරිපත්වීමට තීරණය කර ඇති අතර ජනපතිවරණය පිළිබඳ ගැසට් නිවේදනය නිකුත් කර පැයක පමණ කාලයක් ඇතුළත අද(26) පෙරවරුවේම ඇප මුදල් ද තැන්පත් කර ඇති බව වාර්තා වෙයි.ඒ අතර ඔහු ස්වාධීන අපේක්ෂකයෙකු ලෙස ඉදිරිපත්වීම හේතුවෙන් ශ්‍රී ලංකා පොදු ජන පෙරමුණු පාර්ලිමේත්තු කණ්ඩායමෙන් සැලකිය යුතු පිරිසක ගේ සහාය ඔහුට හිමි වනු ඇතැයි ද පැවසෙයි.මෙවර ජනාධිපතිවරණය සඳහා ඇප මුදල් තැන්පත් කළ පළමු අපේක්ෂකයා ද රනිල් වික්‍රමසිංහ මහතා වන අතර මැතිවරණ කොමිසම මඟින් නිල වශයෙන් දන්වා ඇති අන්දමට ලබන සැප්තැම්බර් 21 ඊළඟ ජනපතිවරණය පැවැත්වෙනු ඇත.