දේශපාලන අත්දැකීම් හා පරිනත බවක් නොමැති පුද්ගලයකු ජනාධිපතිවරයකු පත් කරගෙන රට නැවත අනතුරේ නොහෙලා ආර්ථික අර්බුදය විසඳා රට ස්ථාවර කිරීම සඳහා ජනාධිපති රනිල් වික්‍රමසිංහ මහතාට නැවත අවස්ථාවක් ලබාදිය යුතු යැයි තමන් පෞද්ගලිකව විශ්වාස කරන බව නාගරික සංවර්ධන හා නිවාස අමාත්‍ය ප්‍රසන්න රණතුංග මහතා පවසයි.ශ්‍රී ලංකා පොදු ජන පෙරමුණ නියෝජනය කරමින් ධම්මික පෙරේරා මහතා ජනාධිපතිවරණයට ඉදිරිපත් කරන්නේදැයි මාධ්‍යවේදියෙකු කළ විමසීමකට පිළිතුරු දෙමින් ප්‍රසන්න රණතුංග අමාත්‍යවරයා පැවසුවේ ජනාධිපතිවරණ අපේක්ෂත්වය සම්බන්ධයෙන් ශ්‍රී ලංකා පොදු ජන පෙරමුණ ධම්මික පෙරේරා මහතා සමග එකඟතාවකට පැමිණ නොමැති බවත් එවන් සාකච්ඡාවක් ගැන තමන් දැනුවත් නොමැති බවත් ය.අමාත්‍යවරයා මේ අදහස් පළ කළේ ඊයේ (18) මාතර දිස්ත්‍රික් සම්බන්ධීකරණ කමිටු රැස්වීමට සහභාගී වීමෙන් අනතුරුව මාධ්‍ය වෙත අදහස් දක්වමිනි.