නිකවැරටිය කන්දේගෙදර ප්‍රදේශයේ අද(26) දහවල් ගෘහස්ථ ගෑස් ටැංකියක් පිපිරී යාමෙන් එම නිවස ගිනිගෙන දැඩි හානි සිදුව තිබේ.ගෑස් ටැංකිය පිපිරීම සිදුවන අවස්ථාවේ නිවසේ මව සහ ,පියා කුඹුරට ගොස් සිට ඇති අතර වැඩිමහල් දරුවා පාසලටද ,දෙවනි දරුවා ඥාති නිවසක ද සිටීම හේතුවෙන් කිසිඳු ජීවිත හානියක් සිදුව නොමැති බව නිකවැරටිය පොලීසිය කියයි.කෙසේ වෙතත් මෙම ගෑස් ටැංකිය පිපිරී ගියේ ගෑස් කාන්දුවකින්ද ? නැතිනම් වෙනත් හේතුවකින්ද යන්න පිළිබඳව වැඩිදුරටත් පරීක්ෂණ සිදු කෙරෙයි.එම ගෑස් ටැංකිය පුපුරා යාමේ ශබ්දය කිලෝ මීටර් ගණනක් දුරට විහිදුණු බව ප්‍රදේශ වාසීහු කියති