එළඹෙන ජනාධිපතිවරණයට අදාළ නිල ඡන්ද දැන්වීම් පත්‍රිකා බෙදාහැරීමට වෙන්කර තිබූ කාලසීමාව අදින් (14) අවසන් වෙයි.
ඒ, අනුව අද (14) දිනය ද නිල ඡන්ද දැන්වීම් පත්‍රිකා බෙදාහැරීමේ විශේෂ දිනයක් ලෙස නම්කර තිබේ.
නිල ඡන්ද දැන්වීම් පත්‍රිකා නොලැබුණු පුද්ගලයින්ට ලබන 18 වැනිදා සිට 21 වැනිදා දක්වා ළඟම පිහිටි තැපැල් කාර්යාලයෙන් සිය අනන්‍යතාව තහවුරු කර ඒවා ලබා ගත හැකි බවයි ජ්‍යේෂ්ඨ නියෝජ්‍ය තැපැල්පති රාජිත රණසිංහ සඳහන් කළේ.
මෙවර ජනාධිපතිවරණයට අදාළ නිල ඡන්ද දැන්වීම් පත්‍රිකා බෙදාහැරීම පසුගිය 03 වනදා ආරම්භ විය.එම නිල ඡන්ද දැන්වීම් පත්‍රිකා බෙදාහැරීම වෙනුවෙන් තැපැල්ලරුවන් 8,000ක පමණ සංඛ්‍යාවක් යොදා ගැනීමටයි කටයුතු කර තිබුණි.
මේ අතර ලියාපදිංචි ඡන්දදායකයෙක්ට නිල ඡන්ද දැන්වීම් පත්‍රිකාව නොමැතිව ඡන්දය සලකුණු කිරීමේ හැකියාව පවතින බව ද මැතිවරණ කොමසාරිස් ජනරාල් සමන් ශ්‍රී රත්නායක සඳහන් කරයි.