නොරොච්චෝලේ බලාගාරයේ පළමු ජනන යන්ත්‍රයේ හදිසි බිඳවැටීමක් සිදුව ඇති බව විදුලිබල අමාත්‍ය කංචන විජේසේකර සඳහන් කරයි.අමාත්‍යවරයා ට්විටර් සටහනක් තබමින් සඳහන් කර සිටින්නේ මේ වන විට තාක්ෂණික කාර්ය මණ්ඩලය එහි ඇතිවූ දෝෂය හඳුනා ගැනීමට කඩිනමින් කටයුතු කරමින් සිටින බවකි.මේ අතර එම බලාගාරයේ පිහිටි 2 වන ජනන යන්ත්‍රයේ නියමිත නඩත්තු කටයුතු සිදු කරමින් පවතින බවත් 3 වන ජනන යන්ත්‍රය අඛණ්ඩව ක්‍රියාත්මක වන බව ද අමාත්‍යවරයා සඳහන් කර සිටින අතර විදුලි සැපයුම කළමනාකරණය කිරීම සඳහා වෙස්ට් කෝස්ට් සහ අනෙකුත් ඉන්ධන බලාගාර භාවිතා කරන බව ද අමාත්‍යවරයා සඳහන් කරයි..