ශ්රී ලංකා සේවා මුක්ත භට සංගමය වාර්ෂිකව සංවිධානය කරන සන්නද්ධ හමුදා අනුස්මරණ පොපි මල් දින සැමරුමේ පළමු පොපි මල ජනාධිපති ගෝඨාභය රාජපක්ෂ මහතාට ඊයේ (26දා) පෙරවරුවේ ජනාධිපති ලේකම් කාර්යාලයේදී ශ්රී ලංකා සේවා මුක්ත භට සංගමයේ සභාපති මේජර් ජෙනරාල් උපුල් පෙරේරා මහතා විසින් පළඳවනු ලැබීය.
ශ්රී ලංකාවේ පොපි මල් සැමරුම 1944 වසරේදී ආරම්භ කොට ඇති අතර මෙවර පොපි මල් සැමරුම සිදුකරන්නේ 77 වන වරට ය. පොපි මල් අලෙවියෙන් ලැබෙන ආදායම විශ‍්‍රාමික හා ආබාධිත රණවිරුවන්ගේ සුබසාධනයට වෙන් කෙරේ.