පාර්ලිමේන්තු මැතිවරණය අවසන් වූ වහාම ඊළඟ වසරේ (2025) ආරම්භයේදීම පළාත් පාලන මැතිවරණය පවත්වන බව කැබිනට් මාධ්‍ය ප්‍රකාශක ඇමැති විජිත හේරත් පැවසීය.
කැබිනට් තීරණ දැනුම්දීම සඳහා රජයේ ප්‍රවෘත්ති දෙපාර්තමේන්තුවේ ඊයේ (15 ) පැවැති මාධ්‍ය හමුවේදී ඔහු මේ බව කියා සිටියේය.
ඊට මුදල් වෙන් කිරීමට සිදුවන්නේ රජය ඉදිරිපත් කරන අය වැයෙන් බවත්, ඒ සඳහා මුදල් වෙන් කිරීමෙන් අනතුරුව අධිකරණ නියෝගය අනුව ජනතාවගේ ඡන්ද අයිතිය ආරක්ෂා කිරීම සඳහා පළාත් පාලන මැතිවරණය ලබන වසරේදී පවත්වන බවත් ඔහු කීවේය.