පසුගිය 10 වන බ්‍රහස්පතින්දා ෆ්‍රැන්සිස් පාප් වහන්සේ කළු කලිසමක්, සුදු දිගු අත් සහිත කමිසයක් සහ උරහිස් වටා ඉරි සහිත බ්ලැන්කට්ටුවක් පැළඳ රෝද පුටුවක වාඩි වී හිඳිනු ශාන්ත පීතර බැසිලිකාවේ දී දක්නට ලැබිණි.එමෙන්ම උන් වහන්සේ ගේ නාසයට ඔක්සිජන් නලයක් ද සවි කොට තිබෙනු දක්නා ලදී.ඉකුත් 09 වන දා උන් වහන්සේ තුන් වන චාල්ස් රජු සහ කැමිලා බිසව සමඟ වතිකානුවේදී පෞද්ගලික රැස්වීමක් පැවැත්වූ අතර, එහිදී ඔහු ඔවුන්ගේ 20 වන විවාහ සංවත්සරයට සුබ පැතූහ. වතිකානුව විසින් නිකුත් කරන ලද ඡායාරූපවල, පාප් වහන්සේ ඔහුගේ සුපුරුදු සුදු පාප්තුමාගේ ඇඳුමෙන් සැරසී සිටිනු දැකිය හැකිය . එය ගෘහ ඇඳුම ලෙසද හැඳින්වේ.සති පහක ප්‍රතිකාරවලින් පසු මාර්තු අග දී 88 හැවිරිදි පාප් වහන්සේ රෝහලෙන් පිටව වතිකානුවේ සුවය ලබමින් සිටින අතර උන් වහන්සේ ගේ තත්වය යහපත් අතර හැරෙමින් පවතින බව වතිකානු ආරංචි මාර්ග සඳහන් කරයි.