ශ්‍රී ලංකා පොදුජන පෙරමුණේ ජාතික කැඳවුම්කරු ලෙස එහි පාර්ලිමේන්තු මන්ත්‍රි රෝහිත අබේගුණවර්ධන මහතා පත්කර ඇත.පක්ෂයේ විධායක සභාව සහ දේශපාලන මණ්ඩලය ඊයේ(07) පෙරවරුවේ රැස් වූ අවස්ථාවේදී මෙම තීරණය ගෙන තිබේ.ශ්‍රී ලංකා පොදුජන පෙරමුණේ විධායක සභාව සහ දේශපාලන මණ්ඩලය එහි නායක හිටපු ජනාධිපති මහින්ද රාජපක්ෂ සහ ජාතික සංවිධායක නාමල් රාජපක්ෂ යන මහත්වරුන්ගේ ප්‍රධානත්වයෙන් ඊයේ පෙරවරුවේ මහින්ද රාජපක්ෂ මහතාගේ නිල නිවසේදී රැස් වී තිබේ.