ඖෂධ වර්ග කිහිපයකට ජාත්‍යන්තර සැපයුම්කරුවන්ගෙන් ලාංසු කැඳවීම සඳහා කැබිනට් මණ්ඩල අනුමැතිය හිමිව තිබේ.
පිළිකා, අඩු රුධිර පරිමාව ප්‍රතිකාර, බැක්ටීරියා ආසාදන සඳහා ඖෂධ වර්ග ගෙන්වීමට ලංසු කැඳවීමට කැබිනට් මණ්ඩල අනුමැතිය හිමි වී ඇති බව අමාත්‍ය මණ්ඩල තීරණ දැනුම් දීමේ ප්‍රවෘත්ති සාකච්ඡාවට එක්වෙමින් කැබිනට් මාධ්‍ය ප්‍රකාශක වෛද්‍ය නලින්ද ජයතිස්ස පැවසීය.
ඒ අනුව, අඩු රුධිර පරිමාව (hypovolemia) සහ රුධිරයේ අඩු ඇල්බියුමින් මට්ටමට ප්‍රතිකාර කිරීම සඳහා භාවිත කරනු ලබන හියුමන් ඇල්බියුමින් සොලියුෂන් 20% මිලිලීටර් 50 බෝතල් 340,000ක් සපයා ගැනීම සඳහා ජාත්‍යන්තර තරගකාරී ලංසු කැඳවා තිබේ.
මේ අතර, ඇතැම් පිළිකා වර්ග සඳහා ප්‍රතිකාර කිරීමට භාවිත කරන ට්‍රස්ටුසුමැබ් එන්නක් මිලිග්‍රෑම් 440න් මිලිලීටර් 20 ටයල් 18,000ක් මිල දී ගැනීම සඳහා ජාත්‍යාන්තර තරගකාරී ලංසු කැඳවා ඇති බව ඔහු කීවේය.