ඊයේ (04) රාත්‍රී ශ්‍රී ලංකාවට පැමිණි ඉන්දියානු අග්‍රාමාත්‍ය නරේන්ද්‍ර මෝදි මහතා නිල වශයෙන් පිළි ගැනීම අද(05) පෙ.ව 9.00ට කොළඹ නිදහස් චතුරශයේ දී පැවැත්වීමට නියමිතය.ඉන්දීය අග්‍රාමාත්‍ය වරයා මෙවර ජනාධිපති අනුර කුමාර දිසානායක මහතා සමඟ ද්වීපාර්ශ්වික සාකච්ඡාවල නිරත වීමට මෙන්ම ද්වීපාර්ශ්වික නියෝජිතයන් අතර පැවැත්වෙන හමුවට සහභාගීවීමටත් සැලසුම් කර ඇත.මෙහිදී බලශක්ති, ඩිජිටල්කරණය, ආරක්ෂක සහ සෞඛ්‍ය යන ක්ෂේත්‍රවලට අදාළව අවබෝධතා ගිවිසුම් සහ ඉන්දියාව සමඟ ණය ප්‍රතිව්‍යුගතකරණයට අදාළ ගිවිසුම් හුවමාරු කරගැනීමට නියමිත බවද පැවසෙයි.
ඉන්දියානු සහයෝගීතාවෙන් ඉදි කෙරෙන සාම්පූර් සූර්ය විදුලි බලාගාර ව්‍යාපෘතිය ආරම්භ කිරීමත්, දඹුල්ල කෘෂි ගබඩා සංකීර්ණය සහ ඉන්දියානු පරිත්‍යාගයක් ලෙස ලැබුණු ආගමික ස්ථාන 5000ක සෙවිලි මත සූර්ය පැනල සවි කිරීමේ ව්‍යාපෘතිය විවෘත කිරීමත් ඉන්දියානු අග්‍රාමාත්‍ය නරේන්ද්‍ර මෝදි මහතා අතින් මාර්ගගත ක්‍රමය ඔස්සේ සිදු කිරීමට ද නියමිතය.