පසුගිය තුන් වන දා අළුයම තුනට පමණ හිසට වැදුණු වෙඩි පහරක් සමඟින් ගම්මුන් කම්පනයකට පත් වන අන්දමේ විලාපයක් නංවමින් කැකිරාව, වෙරුම්කුලම වැව ආසන්නයේ දී මිය ගිය කෙනරගේ කුස තුළ මාස 3 ක පමණ කළලයක් පශ්චාත් මරණ පරීක්ෂණයේ දී සොයා ගෙන තිබේ.පශ්චාත් මරණ පරීක්ෂණයේ දී කෙනරගේ හිසේ අඟල් 18ක් පමණ ගැඹුරේ තිබූ වෙඩි උණ්ඩ කොටස් සොයා ගන්නා ලදී.මෙම කෙනරගේ වයස අවුරුදු 25-30 අතර බවට අනුමාන කරන බව වනජීවී නිලධාරීහු පවසන්නේ.එමෙන්ම මෙම සිදුවීමෙන් පසු ප්‍රදේශවාසීන් ද මෙම අපරාධකරු සොයා ගැනීමේ නිරන්තර උත්සාහයක යෙදී සිටින බවත් දැනගත හැකි විය.