ඡන්දය ප්‍රකාශ කිරීම ජනතාවගේ මූලික අයිතිවාසිකමක් බැවින් සියලු පුද්ගලයින් ඡන්දය ප්‍රකාශ කිරීම අනිවාර්යයෙන්ම සිදු කළ යුතු බව හිටපු මැතිවරණ කොමසාරිස් මහින්ද දේශප්‍රිය මහතා අවධාරණය කර සිටියි.
ඔහු සඳහන් කළේ, ඡන්දය ප්‍රකාශ නොකිරීමෙන් සිදු වන්නේ ඇතැම් පාලකයන්ට අවශ්‍ය වන පරිදි ජනතාව පාලනය කිරීමට පෙළඹීම බවයි.
ජනතාව ඡන්දය ප්‍රකාශය කිරීමේ අවශ්‍යතාව පිළිබඳව සමාජ මාධ්‍ය හරහා ද අද දිනයේ සිට විශේෂ ප්‍රචාරණ කටයුතු සිදු කිරීමට බලාපොරොත්තු වන බව, හිටපු මැතිවරණ කොමසාරිස් මහින්ද දේශප්‍රිය මහතා වැඩිදුරටත් සඳහන් කරයි.