හෙට(27) සිට ජුලි 3 වනදා දක්වා දිනකට පැය 3ක විදුලි කප්පාදුවක් සිදුකිරීම සදහා ශ‍්‍රී ලංකා මහජන උපයෝගීතා කොමිෂන් සභාවේ අනුමැතිය හිමිවූ බව ලංකා විදුලිබල මණ්ඩලය ප‍්‍රකාශ කරයි. මණ්ඩලය සඳහන් කළේ ඒ සිට ඩබ්ලිව් දක්වා කලාප සඳහා දහවල් කාලයේ පැයයි මිනිත්තු 40ක සහ රාත‍්‍රී කාලයේ පැයයි මිනිත්තු 20 විදුලි කප්පාදුවක් සිදු කරන බවකි.ජුලි මස 2 වනදා සහ 3වනදා දිනවල හැර අනෙක් දිනවල දී කොළඹ නාගරික කලාපයේ පැය 2ක කාලයක් පෙරවරු 6 සිට පෙරවරු 8ක්වා විදුලිය කප්පාදු කිරීමට නියමිතය.මේ අතර එම්, එන්, ඕ ,එක්ස්, වයි සහ ඉසෙඩ් කලාප සඳහා ජුලි මස 2 වනදා සහ 3වනදා දිනවල හැර පෙරවරු 5 සිට පෙරවරු 8 දක්වා පැය 3ක විදුලි කප්පාදුවක් සිදු කරන බවද ලංකා විදුලිබල මණ්ඩලය වැඩිදුරටත් සදහන් කරයි.