රාජ්‍ය අංශයේ පුරප්පාඩු 30,000 ක් පිරවීමේ වැඩසටහන යටතේ සෞඛ්‍ය අමාත්‍යාංශයේ හෙද නිලධාරීන් 3,147 ක් බඳවා ගැනීමට කැබිනට් මණ්ඩල අනුමැතිය ලබාදී ඇත.
විකිරණ ශිල්පීන් සඳහා පුරප්පාඩු 399ක් පැවැති බවත්,අයැම්කරුවන් 118 ක් පමණක් සිටි නිසා ඔවුන් සියලුදෙනාම ඉකුත් පෙබරවාරි මාසයේදී බඳවාගත් බවද කැබිනට් මාධ්‍ය ප්‍රකාශක, සෞඛ්‍ය හා ජනමාධ්‍ය ඇමැති වෛද්‍ය නලින්ද ජයතිස්ස පැවසීය.
වෛද්‍ය රසායනාගාර කාර්මික විද්‍යාඥයන්ගේ පුරප්පාඩු 294 ක් තිබෙන බවත්, ඊට අදාළව අයැදුම්පත් 354 ක් ලැබී ඇති බවත්,භෞත චිකිත්සකයන් පුරප්පාඩු 203ක් පැවැතියද,අයැදුම්පත් 277ක් ලැබී ඇති බවත්,වාග් චිකිත්සකයන් පුරප්පාඩු 57ක් පවතින බවත්,ඒ සඳහා අයැදුම්පත් 168ක් ලැබී ඇතැයිද ඔහු කීවේය.