පසුගිය දා ජීවන ගමන නිම කරනු ලැබූ දෙවෙනි එලිසබෙත් රැජින විසින් විවිධ අවස්ථාවල මුහුණ දුන් හාස්‍යමය අත්දැකීම් පිලිබද කතා රැසක් මේ වනවිට මාධ්‍ය ඔස්සේ ප්‍රචාරය වෙමින් පවතී. ඉන් කීපයක් මෙසේ ය.
1. පසුගිය ජුනි මාසයේ යෙදුණු ඇගේ ප්ලැටිනම් ජුබිලි උත්සවයේ එනම්, ඇය රැජිණ ලෙස කිරුළ පැළද 70 වසර සනිටුහන් කරමින් මාලිගය තුළ බීබීසී සේවය විසින් අපූරු වැඩසටහනක් රූගත කරනු ලැබිණි. එහිදී ඇය පැඩිංටන් බෙයාර් නම් වූ සුරතල් වළසා සමඟ තේ පානය කරන ආකාරය රූගත කරන ලදී. සැමරුම් ආරම්භ වීමට ආසන්නව තිබියදී, පැඩිංටන් ඇයට ඔහුගේ ආදරණීය සුලු කෑම, එනම් මාමලේඩ් සැන්ඩ්විච් පිරිනැමීය.
“මම හැම විටම හදිසි අවස්ථා සඳහා එකක් තබා ගන්නවා,” ඔහු ඇයට පැවසුවේ ඔහුගේ සුප්‍රසිද්ධ රතු තොප්පිය යටින් පාන් පෙති දෙකක් එළියට ගන්නා ගමන් ය.
“මටත් එහෙමයි,” පැඩිංටන්ට පිළිතුරු දෙමින්, රැජින ඇගේ කළු අත්බෑගය විවෘත කර ඉන් පාන් පෙති දෙකක් එළියට ගත්තාය.
2. ලන්ඩන් 2012 ඔලිම්පික් ක්‍රීඩා උළෙලේ සමාරම්භක උත්සවයේ කොටසක් ලෙස, රැජින තවත් බ්‍රිතාන්‍ය නිරූපකයෙකු වන ජේම්ස් බොන්ඩ්ගේ සහාය ඇතිව උත්සව අවස්ථාවට නාට්‍යමය ප්‍රවේශයක් ලබා ගත්තාය. අධ්‍යක්ෂක ඩැනී බොයිල් විසින් නිර්මාණය කරන ලද පසු තලයකදී, මෙකී යුගලය 007 ජේම්ස් බොන්ඩ් නාට්‍යාකාරයෙන් ඇවිද යමින් බකිංහැම් මාලිගයේ සිට පැමිණි හෙලිකොප්ටරයෙන් බැස අදාළ අවස්ථාවට සහභාගි වූයේ ඔලිම්පික් ක්‍රීඩාංගනයේ ප්‍රීති ඝෝෂා නගන පිරිසට ආචාර කරමිනි.
3. 2016 දී, රැජින තවත් වෛරස් වීඩියෝ පටයක පෙනී සිටියේය. මෙවර ඇය පෙනී සිටියේ ඇගේ මුනුපුරා වන හැරී කුමරු සමඟ ඉන්වික්ටස් ක්‍රීඩා ප්‍රවර්ධනය කිරීම සඳහාය. හැරී කුමරුට ක්‍රීඩා අභියෝගයක් නිකුත් කළ හිටපු එක්සත් ජනපද ජනාධිපති සහ ජනාධිපති ආර්යාව වන බැරැක් සහ මිෂෙල් ඔබාමාගේ වීඩියෝ පණිවිඩයක් මෙම යුවළ නැරඹූහ. එහිදී රැජින නොසැලී සිටිමින්, “අනේ ඇත්තට, කරුණාකර,” යැයි කීවාය.
4. රැජින තම ජීවිත කාලය තුළ උත්සව අවස්ථාවල කේක් කැපුවේ චාරිත්‍රානුකූල කඩුවකින්. ඇය කෝර්න්වෝල් හි පැවති පුණ්‍ය උත්සවයකදී වඩාත් අසාමාන්ය ක්‍රමයක් අත්හදා බැලුවාය. කේක් කපන ආකාරයේ පිහියක් තිබෙන බව ස්වේච්ඡා සේවකයෙක් ඇයට මතක් කළ විට රැජින නොසැලී සිටියාය. “මම දන්නවා තියෙනවා කියලා,” ඇය කඩුව අල්ලාගෙනම පිළිතුරු දුන්නාය. “ඒත් මෙය වඩාත් අසාමාන්ය යි.” ඇය කී ඇය කඩුවේ තලය අනිත් පස හරවා කේක් එක කැපුවා ය.
5. 2014 වසරේ ග්ලාස්ගෝ හි පැවති පොදුරාජ්‍ය මණ්ඩලීය ක්‍රීඩා උළෙලේදී ඔස්ට්‍රේලියානු හොකී ක්‍රීඩිකාවන් දෙදෙනෙකු ඔවුන්ගේ සෙල්ෆි ඡායාරූපයක් ගනු ලැබීය. පින්තූරයේ පසුපසට වන්නට සිනහවෙමින් පෙනී සිටින රුජිනව ඔවුන් දුටුවේ ඡායාරූපය දෙවෙනි වර දකින විටය. ඔවුන් එම ඡායාරූපය ට්වීටර් පළ කර මෙසේ පැවසීය: “ආහ්, රැජින අපගේ සෙල්ෆි ඡායාරූපයට බෝම්බ හෙලීය!”, ට්වීට් හි එය ක්ෂණිකව වෛරල් වී තිබිණි.
6. රැජින ඇගේ ස්වාමිපුරුෂයා වූ දිවංගත එඩින්බරෝ ආදිපාදවරයා සමඟ දහස් ගණනක නිල කටයුතුවලට සහභාගී වී තිබිණි. වරක් 2003 දී Windsor Castle හි පැවති හමුදා පුහුණුවක් අතරතුර හමුදා සෙබළුන් මී මැස්සන් රංචුවක් මෙන් කාර්යක්‍ෂම සිය පුහුණු සැසි සදහා සහභාගි වන ආකාරය ඡායාරූප ශිල්පී Chris Young විසින් කැමරාවට හසු කර ගන්නා ලද ඡායාරූපවලින් රාජකීය යුවළ දැක ගත්හ. ඒවා දුටු රැජිනට සිනහාව නතර කර ගැනීමට නොහැකි විය. “ඒ වෙලාවෙ නම් ඇය රැජිනක් වගේ නෙවෙයි කුඩා දැරියක් වගෙයි” ඡායාරූප ශිල්පියා BBCයට පැවසීය.
දුලංජලී මුතුවාඩිගේ