සංචාරක කර්මාන්ත දියුණු කිරීම අරමුණු කරගෙන රටවල් 145 ක් සමග සම්බන්ධ වී ඔවුන්ට ආවේණික මවු භාෂාවලින් ශ්‍රී ලංකාවේ වීසා ඉල්ලුම් කිරීමේ නව ක්‍රමවේදයක් ක්‍රියාත්මක කළ බව ආගමන විගමන පාලක ජනරාල් හර්ෂ ඉලුක්පිටිය මහතා පැවැසීය.
ජී.වී.එස්. ටෙක්නොලොජීස් සර්විස්, අයි.වී.එස්. ග්ලෝබල් සහ වී.එස්.එෆ් වර්ල්ඩ් වයිඩ් හෝල්ඩින්ග්ස් ලිමිටඩ් යන ආයතන තුන ඒකාබද්ධිත ජාත්‍යන්තර සමාගමක් සමග ගිවිසුම්ගතව ශ්‍රී ලංකාවේ සංචාරය සදහා වීසා ඉල්ලුම් කරන සංචාරකයන් සහ ව්‍යාපාරිකයන් ප්‍රවර්ධනය කිරීම එම ආයතනය මගින් සිදුකරන බව ද ඉලුක්පිටිය මහතා කීය.
ආගමන විගමන පාලක ජනරාල්වරයා ඒ බව පැවැසූවේ බත්තරමුල්ල මහජන ආරක්ෂක අමාත්‍යාංශයේ පැවැති මාධ්‍ය සාකච්ඡාවකදීය.