සමගි ජනබලවේග විරෝධතා පෙළපාලිය ගාලු මුවදොර දෙසට
සමගි ජනබලවේගය සංවිධානය කළ විරෝධතා පෙළපාලිය කොළඹ මාක්ස් ප්‍රනාන්දු මාවතේ විපක්ෂ නායක කාර්යාලය අසලින් ආරම්භ වී කොල්ලුපිටිය මංසන්ධිය පසුකරමින් මේ වනවිට ගාලු මුවදොර දෙසට ගමන් කරමින් තිබේ.
විපක්ෂ නායක සජිත් ප්‍රේමදාස මහතා සමගි ජනබලවේගයේ මහලේකම් රංජිත් මද්දුමබණ්ඩාර, සභාපති ෆීල්ඩ් මාෂල් සරත් ෆොන්සේකා, ජාතික සංවිධායක තිස්ස අත්තනායක, මෙහෙයුම් ප්‍රධානී හරීන් ප්‍රනාන්දු, භාන්ඩාගාරික හර්ෂ ද සිල්වා, මාධ්‍ය ප්‍රකාශකවරුන් වන එස්. එම් මරික්කාර්, මනූෂ නානායක්කාර සමගි ජන බලවේගය පක්ෂ නායකයන් වන දොස්තර රාජිත සේනාරත්න, පාඨලී චම්පික රණවක, පාර්ලිමේන්තු මන්ත්‍රීවරුන් වන නලීන් බණ්ඩාර, ඉරාන් වික්‍රමරත්න මුජිබර් රහුමාන්, හර්ෂණ රාජකරුනා යන මහත්වරුන් ඇතුළු පාක්ෂිකයෝ මේ සඳහා එක් ව සිටිති.