එළවළු හා පළතුරු පසු අස්වනු හානිය සියයට 25 දක්වා අඩුවී ඇතැයි කෘෂිකර්ම අමාත්‍යාංශය පවසයි.
මෙරට වගා කරන පළතුරු හා එළවළු වල පසු අස්වනු හානිය අවම කිරීම සඳහා නිර්දේශිත ක්‍රම භාවිතා නොකිරීම හේතුවෙන් එම වගා පසු අස්වනු හානිය සියයට 40ක් තරම් ඉහළ මට්ටමක පැවැති බව පසු අස්වනු තාක්ෂණික ආයතනය සඳහන් කළේය.
නමුත් කෘෂිකර්ම හා වැවිලි කර්මාන්ත අමාත්‍යාංශය ගන්නා ලද විවිධ තීරණ හේතුවෙන් අස්වනු හානිය අවම වී ඇතැයි එම තාක්ෂණික ආයතනය පවසයි.
අස්වනු නෙලීමේ නව තාක්ෂණික ක්‍රම භාවිතය මෙන්ම ප්‍රවාහනයේ දී ප්ලාස්ටික් කූඩ යොදා ගැනීම හා ඇසුරුම් කිරීමේ දී හානි අවම වන අන්දමින් කටයුතු යෙදීම නිසා පසු අස්වනු හානි අවම වී තිබේ.