ගුවන් මගින් රටට ඇතුල්වන සංචාරකයන්ගෙන් 4%කට ඔමික්‍රෝන් ගුවන් මගින් රටට ඇතුල්වන සංචාරකයන් සහ අනෙකුත් අය හේතුවෙන් රටට ඔමික්‍රෝන් පැමිණීමේ බරපතල අවදානම තවදුරටත් වර්ධනය වී ඇති බවත් මෙරටට ගුවන් මඟින් වරකට ඇතුළු වන අයගෙන් 4%ක් පමණ ඔමික්‍රෝන් ආසාදිතයින් බව වාර්තා අනුව පෙන්නුම් කර ඇතැයි සෞඛ්‍ය වෘත්තීයවේදීන්ගේ විද්වත් සංගමයේ සභාපති රවී කුමුදේශ් මහතා පවසයි.
දැනට ලැබී තිබෙන වාර්තා අනුව ගුවන් මගින් රටට ඇතුළු වන සංචාරකයින් ඇතුළු සෙසු අයගෙන් රටට ඔමික්‍රෝන් පැමිණීමේ බරපතල අවදානමක් පවතින බව කුමුදේශ් මහතා සඳහන් කරයි.
”ජනවාරි මස මුල් සති දෙක තුළ අපි හඳුනාගත්ත ඔමික්‍රෝන් ආසාදිතයින් පිළිබඳ වාර්තාවක් ලැබිල තියෙනවා. විශේෂයෙන් මේ වාර්තාවට අනුව අපිට නැවත නැවත කියන්න තියෙන්නේ ගුවන් මගින් රටට ඇතුල්වන සංචාරකයන් සහ අනෙකුත් අය හේතුවෙන් රටට ඔමික්‍රෝන් පැමිණීමේ බරපතල අවදානම තවදුරටත් වර්ධනය වී තිබෙන බවකුයි. මේ අද වෙනකොට රටට ඇතිවන ගුවන් මගීන්ගෙන් 4%ක් පමණ ඔමික්‍රෝන් ආසාදිතයින් බවට දැනට ලැබිල තියෙන දත්ත ආශ්‍රයෙන් හඳුනාගන්න පුළුවන්. මෙය විධිමත් දත්තයන් හරහා ගත්ත දෙයක් නොවන නිසා යම් ලෙසකින් 100%ක් නිවැරදි නොවෙන්න පුළුවන්. මෙහිදී බහුතරයකට රටින් පිටවෙන කොට තමයි ඔමික්‍රෝන් තිබෙන බවට වාර්තා වෙන්නේ'”. ඔහු වැඩිදුරටත් කියා සිටියි.