ශ්‍රී ලංකාව සම්බන්ධ ණය ආධාර වැඩසටහන ක්‍රියාත්මක කිරීමේ දී ශ්‍රී ලංකාව ලබා තිබෙන ප්‍රගතිය පිළිබඳ සෑහීමකට පත් වීම හේතුවෙන් ජාත්‍යන්තර මූල්‍ය අරමුදල(IMF) ශ්‍රී ලංකාවට ලබා දී ඇති ණය මුදලේ දෙවැනි වාරිකය වහාම ලබා දීමට එම අරමුදලේ විධායක කමිටුවේ අනුමැතිය ඊයේ(12) ලබා දුන්නේය.ඒ අනුව ඇමෙරිකානු ඩොලර් මිලියන 337 ක මුදලක් දෙවැනි වාරිකය ලෙස ශ්‍රී ලංකාවට ලැබීමට නියමිතය.ජාත්‍යන්තර මූල්‍ය අරමුදල ශ්‍රී ලංකාවට ලබා දී ඇති ආධාර වැඩසටහන ක්‍රියාත්මක කිරීමේදී අත්කර ගෙන ඇති ප්‍රගතිය සොයා බැලීම සඳහා එම අරමුදලේ නිලධාරීන් සිදු කළ පළමු සමාලෝචනය ඊයේ විධායක කමිටුවට හමුවට ඉදිරිපත් කරන ලදී.