විදුලි ජනනය සඳහා ප්‍රමාණවත් ඉන්ධන බලාගාර වෙත නොලැබීම සහ ජලය නොමැති වීම නිසා අද(30) සමස්ත ශ්‍රී ලංකාවට පැය 10 ක් විදුලිය කප්පාදු කරන බව ලංකා විදුලිබල මණ්ඩලය නිවේදනය කරයි.‘ඒ’ සිට ‘ඉසෙඩ්’ වශයෙන් නම් කොට ඇති කලාප 26 සඳහාම පළමු වරට පැය 10 ක් විදුලිය කප්පාදු කිරීමක් අද සිදු වනු ඇත. ඒ අනුව ‘ඒ’ සිට ‘එස්’ කලාප 20 ට පෙරවරු 8.00 සිට මධ්‍යම රාත්‍රී දක්වා කාලය තුළ පැය 10 ක් ද, එම්, එන්, ඕ, එක්ස්, වයි සහ ඉසෙඩ් යන කළාප හයට පෙරවරු 8.00 සිට පස්වරු 6.00 දක්වා අඛණ්ඩව පැය 10 ක් ද, විදුලිය කප්පාදු කරන බවත් ලංකා විදුලිබල මණ්ඩලය නිවේදනය කරයි.