අධික වර්ෂාවත් සමඟ මල්වතු ඔය දෙපස පහත්බිම්වල ජනතාව වෙත ඇම්බර් වර්ණයෙන් යුතු අනතුරු ඇඟවීමේ නිවේදනයක් නිකුත් කර තිබේ.
අදාළ නිවේදනය නිකුත් කරමින් වාරිමාර්ග දෙපාර්තමේන්තුව පවසන්නේ තන්තිරිමලේ සිට පහළ ප්‍රදේශවල ජනතාව මේ සම්බන්ධයෙන් අවධානයෙන් පසුවිය යුතු බවයි.
ඒ අනුව වෙන්ගලවෙඩ්ඩිකුලම්, මඩු, මුසාලෛ, නැනඩ්ඩාන් යන ප්‍රදේශවලට ඉදිරියේදී සුළු ගංවතුර තත්ත්වයක් ඇතිවිය හැකි බව එම නිවේදනයේ වැඩිදුරටත් සඳහන් වෙයි.
මේ හේතුවෙන් එම ප්‍රදේශවල පදිංචි ජනතාව මෙන්ම මෙම ප්‍රදේශ හරහා රථවාහන පදවන්නන්ගෙන් ඉල්ලා සිටින්නේ ගංවතුර තත්ත්වය පිළිබඳව දැඩි සැළකිල්ලකින් පසුවන ලෙසටයි.