ප්‍රකාශයක් ගැනීමට අල්ලස් හෝ දූෂණ විමර්ශන කොමිසමට තමා කැඳවීම සම්බන්ධයෙන් හිටපු ජනපති රනිල් වික්‍රමසිංහ මහතා අද (23) විශේෂ ප්‍රකාශයක් සිදු කරන බව හිටපු ජනාධිපතිවරයාගේ කාර්යාලය සඳහන් කරයි.
ඌව පළාත් හිටපු ප්‍රධාන අමාත්‍ය චාමර සම්පත් දසනායක මහතාට එරෙහි පැමිණිල්ලකට අදාළව සිදු කෙරෙන විමර්ශනයක් සඳහා ප්‍රකාශයක් දීමට අප්‍රේල් 17 වැනිදා පෙරවරු 9.30ට අල්ලස් හෝ දූෂණ විමර්ශන කොමිසමට පැමිණෙන ලෙස දැනුම් දී තිබුණ ද එදිනට පැමිණිය නොහැකි බව හිටපු ජනාධිපතිවරයා දන්වා යවා තිබිණි. ඒ අනුව මෙම 25 වැනිදා පැමිණෙන ලෙස හිටපු ජනාධිපතිවරයාට දැනුම් දී තිබේ.
තමාගේ නීතිඥවරයා විදෙස්ගත වී ඇති බවත් ඔහු නැවත මෙරටට පැමිණි විට දිනයක් යොදාගෙන කොමිසම වෙත යන බවත් පක්ෂයේ කොළඹ දිස්ත්‍රික් අපේක්ෂකයන් සහභාගි වූ සිරිකොත එක්සත් ජාතික පක්ෂ මූලස්ථානයේදී පෙරේදා (21) පැවති රැස්වීමකදී හිටපු ජනාධිපතිවරයා ප්‍රකාශ කළේය.