ගුරු විද්‍යාල අවසාන විභාගය සම්බන්ධව විභාග දෙපාර්තමේන්තුව විශේෂ නිවේදනයක් නිකුත් කර තිබේ.
ඒ අනුව උපාධිධාරී නොවන පුහුණු ගුරුවරුන් සඳහා පුහුණු පාඨමාලා විභාගය 2025 වසරේ මැයි මස පැවැත්වීමට තීරණය කර ඇති බවයි එහි සඳහන් වෙයි.
එම විභාගය සඳහා අයදුම්පත් කැඳවීම (09) සිට එළැඹෙන 24 දින දක්වා මාර්ගගතව සිදු කරන බව එමගින් දක්වා තිබේ.
ඒ අනුව ශ්‍රී ලංකා විභාග දෙපාර්තමේන්තුවේ නිල වෙබ් අඩවිය වන www.doenets.lk හෝ www.onlineexams.gov.lk/eic වෙත පිවිස ලබා දී ඇති පරිශීලක නාම හා මුරපද භාවිත කර මාර්ගගතව පමණක් අයදුම්පත් යොමුකළ යුතු බවයි එම නිවේදනය මගින් දන්වා තිබේ.