තවමත් මෙරට බහුතර ජනතාවගේ ආදරය හා ගෞරවය ශ්‍රී ලංකා පොදුජන පෙරමුණේ නායක මහින්ද රාජපක්ෂ මහතාට ඇති බැවින් මහින්ද රාජපක්ෂ නාමය ප්‍රධාන ශක්තිය කරගනිමින් මෙරට නැවත බලය ලබා ගැනීමට ශ්‍රී ලංකා පොදුජන පෙරමුණට හැකියාව ඇතැයි එම පෙරමුණේ ප්‍රධාන ලේකම් පාර්ලිමේන්තු මන්ත්‍රී සාගර කාරියවසම් මහතා සඳහන් කරයි.එමෙන්ම ඉදිරි මැතිවරණ කටයුතු ඇතුළු අනෙකුත් සියළු වැඩපිළිවෙළ සඳහා පක්ෂයේ ජාතික සංවිධායක බැසිල් රාජපක්ෂ මහතාගේ දායකත්වය ද සක්‍රීය ලැබෙන බව ඔහු පැවසීය.ඒ මහතා මේ අදහස් පළ කළේ ඊයේ(05) බත්තරමුල්ල නෙළුම් මාවතේ පිහිටි ශ්‍රී ලංකා පොදුජන පෙරමුණ මූලස්ථානය දී පැවති මාධ්‍ය හමුවක් අමතමිනි.