නයිජීරියාවේ සිට නොවැම්බර් මස 24 වැනිදා ශ‍්‍රී ලංකාවට පැමිණි මාරවිල ප‍්‍රදේශයේ පදිංචි 25 හැවිරිදි කාන්තාවකට කොවිඩ් ඔමික්‍රෝන් ප්රභේදය වැළඳී ඇතැයි ඉකුත් 03 වැනිදා හඳුනාගැනීමත් සමඟ ඇයගෙන් තවත් පුද්ගලයන්ට රෝගය ආසාදනය වී ඇතිදැයි කියා පුළුල් පරීක්‍ෂාවක් සිදුකරන බව නියෝජ්‍ය සෞඛ්‍ය සේවා අධ්‍යක්‍ෂ ජනරාල් වෛද්‍ය හේමන්ත හේරත් මහතා පවසයි.
ඇය කොවිඞ් මර්දන කිසිදු එන්නතක් ලබා ගෙන නැත. එබැවින් ඇය මෙරටට පැමිණි පසු නිරෝධායනයට ලක්කර සිදුකළ පී.සී.ආර්. පරීක්‍ෂාවේදී කොවිඞ් ආසාදිතයකු බව හඳුනා ගැනීමත් සමඟ වැඩිදුර පරීක්‍ෂණ සඳහා එම වාර්තාව ජයවර්ධනපුර විශ්වවිද්‍යාලයේ වෛද්‍ය පීඨයේ ආසාත්මිකතා ප‍්‍රතිශක්තිවේදය සහ ෙසෙල ජීව විද්‍යා අංශය වෙත යොමු කිරීමෙන් පසු ඔමික්‍රෝන් ප්රභේදය ආසාදනය වී ඇති බව හඳුනාගෙන ඇත.