2022 අපොස උසස් පෙළ විභාගයට අදාළ විශ්වවිද්‍යාල ප්‍රවේශය සඳහා අයැදුම්පත් කැඳවීම ලබන 14 වැනි දා සිට ආරම්භ කරන බව විශ්වවිද්‍යාල ප්‍රතිපාදන කොමිෂන් සභාව පවසයි.
එහි සභාපති ජ්‍යෙෂ්ඨ මහාචාර්ය සම්පත් අමරතුංග මහතා පැවසුවේ, විද්‍යුත් තැපෑල ඔස්සේ විශ්වවිද්‍යාල අයැදුම්පත යොමු කළ හැකි බවයි.
විශ්වවිද්‍යාල ප්‍රවේශ අත්පොත් මේ වන විටත් නිකුත් කර අවසන් ය.
පොත් බෙදාහැරීමේ නියෝජිතයින් පිළිබඳ තොරතුරු www.ugc.ac.lk නිල වෙබ් අඩවියෙන් ලබා ගත හැකිය.