පසුගිය සැප්තැම්බර් 05 වැනිදා පැවති ශිෂ්‍යත්ව විභාගයේ ප්‍රතිඵල ලබන මස 10ත් – 12ත් අතර නිකුත් කිරීමට අපේක්ෂා කරන බව විභාග කොමසාරිස් ජනරාල් අමිත් ජයසුන්දර මහතා පවසයි.විභාග කොමසාරිස් ජනරාල්වරයා සඳහන් කරනුයේ පිළිතුරු පත්‍ර ඇගැයීම් මේ වන විට මධ්‍යස්ථාන 47ක පිහිටා ඇති මණ්ඩල 418ක් විසින් සිදු කරනු ලබන බව ය.. ශ්‍රේෂ්ඨාධිකරණයෙන් ලැබුණු නියෝගයෙන් අනතුරුව පසුගිය 02 වැනිදා ඇගැයීම් කටයුතු ආරම්භ කරනු ලැබූ අතර ඇගැයීම් කටයුතු ලබන 12 වැනිදා අවසන් වන බව ද විභාග කොමසාරිස් ජනරාල්වරයා සඳහන් කරයි.ඇගැයීම් කටයුතු අවසන්ව 12 වැනිදා සිසුන්ගේ ලකුණු පත්‍රිකා ලැබුණ ද ඒවා නිසි පරිදි පරීක්ෂා කර පරිගණකගත කිරීම ඇතුළු කටයුතු රාශියක් සිදු කිරීමට සිදුවන බැවින් තවත් කාලයක් ඒ සඳහා ගතවන බව ද විභාග කොමසාරිස් ජනරාල් වරයා වැඩිදුරටත් සඳහන් කරයි.ඒ අතර එම ප්‍රශ්න පත්‍රයේ කලින් පිටවූ ප්‍රශ්න තුන වෙනුවට නිදහස් ලකුණු 03ක් සෑම අපේක්ෂකයකුටම අධිකරණ නියෝගයට අනුව ලබාදෙනු ඇත.