අහිතකර බැක්ටීරියා අඩංගු යැයි ශ්‍රී ලංකාවේ දී කරන ලද පරීක්ෂණ මඟින් තහවුරු වීමෙන් පසු ප්‍රතික්ෂේප කරන ලද පොහොර රැගත් චීන සමාගමේ පොහොර නෞකාවක් ඊයේ රාත්‍රියේ දී කොළඹ වරායට ආසන්නයට පැමිණ ඇති මුත් හාබර් මාස්ටර්වරයා මෙම නෞකාවට වරාය පරිශ්‍රයට ඇතුළු වීම වළක්වන ලෙස අදාල සියලු අංශවලට නියෝග කර ඇති බව වාර්තා වෙයි.එමෙන්ම හාබර් මාස්ටර් වරයා සතු බලතල ප්‍රකාරව ඔහුට එම හැකියාව ඇතැයි ද පැවසෙයි.නමුදු මහත් ආන්දෝලනයට පත් මෙම නැව වරාය තුළට ගැනීම සම්බන්ධයෙන් මේ වන විට රජයේ වගකිව යුතු පාර්ශවයන් කිහිපයක් අතරේ සාකච්ඡා සිදුවෙමින් පවතින බව ද වාර්තා වෙයි.