ශ්‍රී ලංකා පොදුජන පෙරමුණේ ඉදිරි ආසන බල මණ්ඩල රැස්වීම් එහි ජාතික සංවිධායක නාමල් රාජපක්ෂ මහතාගේ ප්‍රධානත්වයෙන් පැවැත්වීමට තීරණය වී ඇතැයි එම පක්ෂ ආරංචි මාර්ග සඳහන් කරයි.එහි දී ශ්‍රී ලංකා පොදු ජන පෙරමුණේ නායක මහින්ද රාජපක්ෂ මහතා පවසා ඇත්තේ තම පක්ෂයට තරුණ නායකත්වයක් හිමි කිරීමේ අවශ්‍යතාව මත නාමල් රාජපක්ෂ මහතා ශ්‍රී ලංකා පොදු ජන පෙරමුණේ ජාතික සංවිධායක පදවියට පත් කිරීම පක්ෂයේ සාමූහික තීරණයක් බවකි.ඒ අතර කුලියාපිටිය ආසන බල මණ්ඩල රැස්වීම ද පක්ෂයේ ජාතික සංවිධායක පාර්ලිමේන්තු මන්ත්‍රී නාමල් රාජපක්ෂ මහතාගේ ප්‍රධානත්වයෙන් පැවැත්වුණු අතර ශ්‍රී ලංකා පොදු ජන පෙරමුණේ කුලියාපිටිය මැතිවරණ කොට්ඨාසයේ ක්‍රියාකාරීන් රැසක් එම රැස්වීමට එක්ව සිටියහ.